《NMN熱潮三大質疑，你係跟大隊定係跟貼市？》
2014年哈佛醫學院 David Sinclair 博士喺TED論壇發表「年齡可以逆轉」「衰老係一種疾病」等等嘅驚人聲明，而且表示大部份人都可以開始減慢甚至逆轉衰老，方法相當簡單：適量運動以及斷食，另外採用市面上一種普通嘅糖尿藥 Metformin(二甲雙胍)，加上兩款補充劑 NMN (煙醯胺單核苷酸)以及 Resveratrol (白藜蘆醇)就可以帶嚟相當顯著嘅效果。
相關產品馬上雨後春筍噉爆出，宣傳字眼講到好似食完就變到十八廿二咁後生。最簡單直接嘅問題係：到底work唔work？係咪呃人？
網上質疑Sinclair嘅聲音都唔少，有質疑聲音其實係非常良好嘅現像，主要質疑大約有幾種：
【(質疑一) 間歇斷食其實冇乜好處，係不必要甚至有害】
David Sinclair 表示研究發現人體喺面臨重大困境時，例如疲累、飢荒等等，係會令身體進入「修復模式」，修補DNA因為年齡增長而出現嘅耗損，亦即係令身體局部回復到比較年輕嘅狀態。
噉會唔會修復到出現返老還童呢？根據耶魯大學同樣進行衰老科研嘅摩根拿芬(Dr. Morgan Levine)教授指出，人體衰老係因為身體細胞複製過程出現資訊流失，產生一堆唔合規格又唔會自我淘汰嘅「僵屍細胞」(senescence cells)，霸住個位阻住地球轉，令身體有各種衰老徵狀。喺未有辦法針對性消滅呢啲細胞之前，大家可以做到嘅就係操控生理年齡，亦即係維持身體各種機能健康。
斷食對身體有無療效？加拿大國寶級綜合格鬥冠軍喬治聖皮耶(George Saint-Pierre)曾經強行催谷增磅，意外患上潰瘍性結腸炎，醫生表示無法根治，而且可能需要結束選手生涯長期食藥。喬治聖皮耶把心一橫，進行相當極端嘅「水斷食」，每星期連續五日完全斷食，期間只飲水以及補充特訓流失嘅礦物質，結果成功克服病情無再復發。聖皮耶係極度注重健康，務求令身體時刻保持頂尖運作狀態嘅專業運動員，佢嘅手法未必人人學得到，但係斷食有無用？多少可以從佢身上參考借鏡。
【(質疑二) NMN等補充品缺乏科研數據支持，唔少人表示無特別效果】
目前主要嘅NMN數據主要來自白老鼠實驗，人體臨床實驗係相當近期嘅事，David Sinclair講過NMN等等嘅補充品相當安全符合FDA認證，但同時佢亦強調逆齡計劃必須經常監察身體反應。支持逆齡保健品嘅名人以及科學家如胡伯文教授(Dr. Andrew Huberman)本身都會定期做身體檢查，監察各種數據然後調整生活習慣。北美嘅熱心NMN支持者亦都有類似嘅做法，部份更加會定期喺網上分享進度。
到底NMN以及NR係咪可以令身體機能回復到較年輕水平？有人實驗過證實效果顯著，創科企業家 拜仁莊遜 (Bryan Johnson) 幾年前斥資幾百萬進行「藍圖計劃」(Blueprint)，過去兩年間利用各種最新嘅醫學科研，將自己身體維持喺最頂尖狀態。佢分別實驗服用NMN以及NR三個月，結果顯示佢體內嘅NAD水平(身體綜合機能其中一個重要指標) 直逼一個16歲嘅年輕人，而佢本人已經47歲。
家庭觀眾絕對唔好隨便模倣拜仁莊遜嘅藍圖計劃，佢有專業醫護團隊24小時觀測身體各種參數，而佢每日嘅生活習慣亦都非常極端，例如一日至少服食幾十種唔同嘅補充品，專人設計體能訓練，禁煙禁酒，幾乎完全戒糖(放縱時可以食少少黑朱古力加一匙蜜糖)，噉嘅生活唔係我哋平凡人可以頂得順。佢亦講明藍圖實驗係希望展示最頂峰嘅逆齡技術可以將身體推到咩地步，普及化並唔係佢嘅考慮。但係NMN以及姊妹製品NR有無實效？答案就相當明顯。
【(質疑三) David Sinclair 到底係咪可信？】
Dr. Sinclair最為人垢病嘅地方係佢所屬嘅公司申請將NMN列為處方藥物，禁止一般市場銷售。香港嘅用家上Amazon會發現自己服用嘅牌子可能已經被下架，無法購買得到。質疑佢嘅批評更指出之前佢同樣係推崇Resveratrol嘅功效，然後申請禁制企圖獨家佔有專利。佢本人喺上年底曾經發布公開信，表示自己並無參與公司日常運作或者商業決定，但係指責佢貪婪嘅批評仍然未停止。
綜合其他科學家已經公開嘅研究結果(例如山中因子 Yamanaka factors)，以及類似藍圖計劃呢類實驗，抗老或逆齡理論已經有相當實踐基礎，大方向亦都好明顯。Sinclair 可能只係一個象牙塔學者無份做商業決定，佢亦可能係見錢眼開嘅生意佬，但係並唔影響整個逆齡科研發展方向或者可信度，生理年齡具有可塑性(malleable)已經係好多科學家嘅共識。
香港Regentify 陸先生表示逆齡係一種長期嘅生活習慣規劃，並唔係食兩粒藥丸就「搞掂」，更唔係一本通書可以讀到老。Dr. Morgan Levine 發明「生理年齡」演算公式之後免費公開，大家可以喺網上輸入驗身數據如肌酐值(Creatinine)、白血球指數等等嘅數據，推算出自己真正嘅生理年齡。每人有唔同嘅生理狀況以及需要，例如有人除咗NMN/Resveratrol之外仲需要Pqq輔助腦部保養，有人對NR嘅反應比較好等等...重點係一個方法唔work之後要調整，按住身體反映嘅數據參考繼續修正。Regentify致力搜羅長壽科研上各種補充營養品，希望可以帶嚟最實惠而全面嘅工具，助你搵出屬於自己嘅健壽公式 (healthspan)。