《未來會有好多AI……同埋百歲人瑞？》
我哋近年呢絕對可以講得上係見證大時代：剛剛走出環球大疫情無幾耐，AI 技術出現爆發式增長，嚇得科技界龍頭如Elon Musk等人聯署要求放緩AI發展，避免人類文明崩潰。其實 Elon Musk 今年初喺推特上表示人類壽命固定有限，馬上引嚟哈佛醫學院生命科技專家 David Sinclair 教授反駁，事關佢1月剛剛公布成功將實驗老鼠人工衰老化再回復年輕，接續將會喺馬騮身上再實驗，最終嘗試逆轉人體嘅生理年齡。佢半開玩算咁預言幾十年後嘅人類，將會好似死侍咁，打極唔死。
只要上網搵 David Sinclair 呢個名，無可避免會見到一大堆逆轉年齡嘅藥品廣告，甚麼NMN、NR 還是 Resveratrol一堆字母眼花繚亂，當中你更可能見唔少熟悉嘅演藝界名人有服用或者售賣緊呢類產品，講到好似徐福嘅長生不老藥噉樣，到底所謂逆齡科技真係咁神奇，還是被健康產品公司「吹大咗」？延長壽命嘅科研係真嘅，只不過成件事無廣告講到咁簡化。
秦始王都搞唔掂嘅長生不老科研，今日成功咗未？
討論所謂逆齡科研之前，首先要理解衰老嘅基本原理。如果你影印一頁書，將影印本複印再複印如此類推……上面嘅文字會慢慢模糊變至不可辨。人體衰老就係細胞經長年複製，細胞資訊開始流失錯亂，影響器官運作，繼而變得衰弱多病。
負責調節細胞複製嘅「表觀遺傳基因」(epigenome)會逐漸耗損，產生不合規格嘅細胞，是為衰老。2006年山中伸彌教授打破生物學傳統認知，透過基因技術成功將細胞回溯至多用途原始狀態（山中因子），為逆齡科研提供新基礎。
2015-17年間，格雷格·費伊教授利用生長激素及糖尿藥Metformin操控山中因子，經過1年療程後，成功令長者嘅生理年齡降低2.5年。聽落唔係太特別，但係假設每兩年覆診，理論上已經可以達至長生不老，而增加療程次數，會否令身體逐漸回復青春？科研界仍期待進一步結果出爐。
2020年 David Sinclair 團隊對視覺神經受損嘅盲老鼠注射基因指令，啟動山中因子將眼睛回復至較年輕嘅「建設期」，結果令老鼠重新生長出視覺神經回復視力，呢個實驗被視為逆齡科技重大突破：如果可以令眼睛「返老還童」，對身體其他地方都一樣可以。
呢啲科技就算成功都係有錢人玩晒啦？
如果你唔係被選中嘅老人家或者實驗室老鼠可以接受逆齡技術，2019年David Sinclair喺佢本書入面指出，目前尚有一個平民版嘅方法可以做到。
人體其實保留住最初嘅基因正本，即使負責複製細胞嘅表觀基因耗損，仍然有辦法後天修正，重新產生健康正常嘅細胞。人體「原廠設定」具備修復模式，一經啟動，可以減慢甚至局部逆轉衰老過程，呢方面古人早已掌握竅門。
史記《留候世家》有一段噉樣形容張良：「留候從入關，性多病，即道引不食穀，杜門不出歲餘。」所謂道引不食穀，即現時相當流行嘅斷食療法。人體一旦陷入困境如饑荒，就會停止建設改為生存模式，進行各種修復工作，包括修復表觀基因。其他「困境」包括體力勞動(重訓及心肺運動)以及適量嘅寒冷刺激如冷水浴，綜合起嚟可以減慢或逆轉生理年齡。
要進一步啟動修復機制有唔同方法，包括使用Metformin (降血糖處方藥物) 刻意觸發身體嘅困境反應，方便都市人如常飲食生活嘅同時，仍然擁有張良辟穀練仙時嘅自我修復能力。
至於保健市場新寵 NMN以及Resveratrol，其實係Sinclair團隊實驗餵畀年老嘅老鼠，發現佢哋重拾活力，喺相等人類八九十歲高齡，完成等同馬拉松長度嘅長跑。呢個現像來自動物體內一種叫NAD嘅輔酶素，決定體內多種維生機能，而NAD水平會隨年紀減低，中年後下跌逾半。
NAD無法直接吸收補充，目前有三種補充品提升人體NAD水平 (NMN, NR, B3)，服用原材料NMN 可以幫助身體合成更多NAD。間接一步係服用一種叫NR嘅補充品，幫助身體產生NMN，繼而轉化為NAD。再間接一步，係服食維他命B3，令身體產生NR，再產生NMN。三種補充品相比之下，NMN需要轉化嘅步驟最小，所以功效最為快速明顯，直接為細胞提供能量。
Resveratrol本身有維護心血管機能嘅功用，同時會令NMN嘅活躍程度大幅提升兩倍以上，相輔相成。
唔想食咁多藥丸，我崇尚自然得唔得？
噉樣就好似赤腳跟一個踩單車嘅人賽跑，效率唔高亦會辛苦得多。上述嘅補充劑其實喺食物以及人體內都會自然產生，但係透過食物攝取足夠份量往往接近不可能，例如要飲用兩百幾杯紅酒，先至吸收到一日份量嘅Resveratrol。
服用補充品唔係仙丹，事實上只係令人無咁易疲累，睡眠周期更有規律，食物吸收效率提升，身體機能改善咗，呢啲咁普通嘅事情，開始上年紀之後就唔再係理所當然。
現時關注逆齡科研嘅人如胡伯文教授、MMA名嘴祖·勞根甚至David Sinclair自己，主要都係透過日常建立嘅健康習慣將生理年齡保持喺一個較年輕嘅水平。Sinclair五十幾歲，心臟機能維持喺二十歲左右，各種身體指標都比實質年齡後生十至二十年，但佢喺Google Talk表示過仍有老花眼，似乎全面逆轉年齡嘅科技仍然需要一段時間。
「英雄太長命就會變成壞人」
諷刺嘅係，自從NMN打響名堂之後，各大藥廠都希望分一杯羹。上年有藥廠向FDA入紙申請將NMN當成處方藥物，理由係實驗顯示NMN對多種疾病有療效(包括美軍戰後PTSD)。如果呢個禁制令貫徹執行之後，北美市場就唔可以再販賣NMN產品，申請人係邊個？就係David Sinclair有份嘅Metro International Biotech。關注逆齡科研嘅圈子紛紛抗議，就連佢嘅合作伙伴胡伯文教授都婉轉咁批評呢個做法會將NMN落入一小撮人手上，呼籲大家去信FDA抗議，同時盡量貯存足夠嘅份量備用。
香港 Regentify 嘅陸先生關注北美保健及逆齡科研多年，留意到今年3月起Amazon已經將主流NMN下架，只保留B3維他命版本。雖然香港仍可以買到美國大廠生產嘅NMN如CP值較高嘅DoubleWood，可惜留意事態嘅人唔多，識得提防山寨貨嘅人更少。陸先生慨嘆港人只想一本通書讀到老，事實上即使David Sinclair以及胡伯文教授去到今日都仍然試用各種健康品，監控身體指標然後調整生活方式同心態。本身經營市場策劃嘅陸先生創辦Regentify，正正係明白逆齡科研變化好快，希望以一個比較貼近圈中發展嘅角度，令香港人喺未來可以保持健康迎接一百歲甚至百五歲嘅新平均壽命。